ചെന്നൈ: ലോകത്തിലെ ഏറ്റവും വലിയ സൗരോര്‍ജ പ്ലാന്റ് തമിഴ്‌നാട്ടില്‍ പ്രവര്‍ത്തനം ആരംഭിച്ചു.  രാമനാഥപുരം ജില്ലയിലെ കമുദിയിലാണ് 648 മെഗാവാട്ടിന്റെ പദ്ധതി സ്ഥാപിച്ചിരിക്കുന്നത്. അദാനി ഗ്രൂപ്പ് തയാറാക്കിയതാണ് പ്ലാന്റ്.  മുഖ്യമന്ത്രി ജയലളിതയാണ് അയ്യായിരം ഏക്കറില്‍  വ്യാപിച്ചുകിടക്കുന്ന പദ്ധതി കമ്മിഷന്‍ ചെയ്തത്. 4550 കോടി രൂപയാണ് ചെലവ്. എട്ടു മാസം കൊണ്ട് 8,500 പേര്‍ ചേര്‍ന്നാണ് പദ്ധതി പൂര്‍ത്തീകരിച്ചത്.