ശാസ്താംകോട്ട: ശൂരനാട്ട് രï് വീടുകളില്‍നിന്നും 16പവന്‍ സ്വര്‍ണവും പതിനായിരം രൂപയും കവര്‍ന്നു. ശൂരനാട് വടക്ക് നടുവിലേമുറിയില്‍ മാവന്നൂര്‍ വീട്ടില്‍ രാഘവന്‍പിള്ളയുടെ ഭാര്യയുടേയും മകളുടേയും 16പവന്‍ സ്വര്‍ണവും അയല്‍പക്കത്തെ സാജിര്‍ ഭവനത്തില്‍ ശശിധരന്‍പിള്ളയുടെ വീട്ടില്‍നിന്നും പതിനായിരം രൂപയുമാണ് കവര്‍ന്നത്.
 ഇന്നലെ വെളുപ്പിന് മൂന്നുമണിക്കാണ് കവര്‍ച്ച നടന്നത്. മറ്റു മൂന്നുവീടുകളില്‍ കവര്‍ച്ച നടത്താന്‍ ശ്രമിച്ചെങ്കിലും വീട്ടുകാര്‍ ഉണര്‍ന്നതിനാല്‍ ശ്രമം ഉപേക്ഷിക്കുകയായിരുന്നു. പൊലിസ് സംഘവും ഡോഗ് സ്‌ക്വാഡും വിരലടയാള വിദഗ്ധരും സ്ഥലത്തെത്തി തെളിവെടുപ്പ് നടത്തി. കൊട്ടാരക്കര ഡിവൈ.എസ്.പി കൃഷ്ണകുമാറിന്റ നേതൃത്വത്തിലുള്ള പ്രത്യേക അന്വേഷണ സംഘത്തിനാണ് അന്വേഷണ ചുമതല.