നെയ്യാറ്റിന്‍കര: നെയ്യാര്‍ മേളയോടനുബന്ധിച്ച് വിദ്യാര്‍ഥികള്‍ക്കായി കരിയര്‍ ഡവലപ്‌മെന്റ് മോട്ടിവേഷന്‍ സെമിനാര്‍ സംഘടിപ്പിച്ചു.
പ്രശസ്ത ശാസ്ത്രജ്ഞനും അന്താരാഷ്ട്ര കരിയര്‍ ട്രെയിനറുമായ ജ്യോതിഷ്‌കുമാര്‍ കുട്ടികള്‍ക്ക് ക്ലാസെടുത്തു. ജി.ആര്‍.പബ്ലിക് സ്‌കൂള്‍ മാനേജിങ് ട്രസ്റ്റി സിസ്റ്റര്‍ മൈഥിലി യോഗം ഔപചാരികമായി ഉദ്ഘാടനം ചെയ്തു.
ഊരുട്ടുകാല ജി.ആര്‍.പബ്ലിക് സ്‌കൂള്‍, അമരവിള എല്‍.എം.എസ്.എച്ച്.എസ്.എസ് എന്നീ സ്‌കൂളുകളിലെ വിദ്യാര്‍ഥികള്‍ സെമിനാറില്‍ പങ്കെടുത്തു. നെയ്യാര്‍ മേള സംഘാടക സമിതിയംഗമായ എന്‍.പ്രേംകുമാര്‍ ചടങ്ങില്‍ അധ്യക്ഷത വഹിച്ചു. നെയ്യാര്‍ മേള ജനറല്‍ കണ്‍വീനര്‍ എം.ഷാനവാസ്, നെയ്യാര്‍ മേള സംഘാടക സമിതി അംഗങ്ങളായ എം.രാജ്‌മോഹന്‍, ദിപു പാവൂര്‍, ഫോട്ടോ ജേര്‍ണലിസ്റ്റ് അജയന്‍ അരുവിപ്പുറം, ഗിരീഷ് പരുത്തിമഠം, ഹരി ചാരുത എന്നിവര്‍ സെമിനാറില്‍ പങ്കെടുത്തു.
ആല്‍ഫാമേരി ഇന്റര്‍നാഷണല്‍ അഡ്മിഷന്‍ ഗൈഡന്‍സിന്റെ സഹകരണത്തോടെയാണ് വിദ്യാര്‍ഥികള്‍ക്ക് ഏറെ പ്രയോജനകരമായ ഈ സെമിനാര്‍ നെയ്യാര്‍ മേളയുടെ സാംസ്‌കാരിക-വിദ്യാഭ്യാസ പരിപാടികളുടെ ഭാഗമായി നെയ്യാറ്റിന്‍കര ടൗണ്‍ ഹാളില്‍ ഇന്നലെ സംഘടിപ്പിച്ചത്.