പേരൂര്‍ക്കട: തിരക്കുള്ള ബസുകളില്‍ കയറി യാത്രികരുടെ ബാഗുകളില്‍നിന്നു പണവും സ്വര്‍ണ്ണവും മോഷ്ടിക്കുന്ന യുവതികള്‍ പിടിയില്‍. ആന്ധ്രാ ഗുണ്ടൂര്‍ സ്വദേശികളായ മഞ്ചു (25), പൊന്നാത്ത (25) എന്നിവരാണ് പേരൂര്‍ക്കട പൊലിസിന്റെ പിടിയിലായത്. ഇവര്‍ സഹോദരങ്ങളാണ്. സി.ഐ സുരേഷ്ബാബു, അഡീഷണല്‍ എസ്.ഐ സതീഷ്‌കുമാര്‍, എസ്.സി.പി.ഒ വിദ്യാസാഗര്‍, വനിതാ പൊലിസ് ബിന്ദു എന്നിവര്‍ ചേര്‍ന്നു പിടികൂടിയ പ്രതികളെ കോടതിയില്‍ ഹാജരാക്കി റിമാന്‍ഡ് ചെയ്തു.