നടുവണ്ണൂര്‍: നാട്ടിന്‍പുറങ്ങളിലും മുന്തിരിയും മുസംബിയും ഓറഞ്ചുമെല്ലാം വിളയുമെന്നു തെളിയിക്കുകയാണ് നടുവണ്ണൂരിലെ പുളിയത്തിങ്കല്‍ അമ്മത്കുട്ടി. സ്വന്തം പറമ്പില്‍ കശ്മിരി മുന്തിരി വരെ വിളയിച്ചാണ് ഈ കര്‍ഷകന്‍ നാട്ടുകാര്‍ക്കു മാതൃകയാകുന്നത്.
മുന്തിരി കൃഷിയില്‍ താല്‍പര്യമുള്ളവര്‍ക്കു കൊടുക്കാന്‍ വേരുപിടിപ്പിച്ച മുന്തിരിവള്ളിയുടെ തലപ്പുകള്‍ വളര്‍ത്തിയെടുക്കുകയും ചെയ്യുന്നുണ്ട് അമ്മത്കുട്ടി. സപ്പോട്ട, മുട്ടപ്പഴം, സീതപ്പഴം, ഉറുമാമ്പഴം, ഹൈബ്രിഡ് പേര, വിവിധയിനം ചാമ്പ, പപ്പായ എന്നിവയും ഇദ്ദേഹം തൊടിയില്‍ വളര്‍ത്തുന്നുണ്ട്. ഇതിനു പുറമെ 12 ഇനം മാവും വിവിധയിനം വാഴകളും കുരുമുളകും ജൈവനെല്ലുമെല്ലാം അദ്ദേഹത്തിന്റെ ഭൂമിയില്‍ വളരുന്നുണ്ട്. ഇവയുടെ തൈകളും വിത്തും കന്നും അദ്ദേഹം പ്രത്യേകം തയാറാക്കുന്നുമുണ്ട്.
സ്വന്തമായി കൃഷിഭൂമിയില്ലെന്നു പറഞ്ഞു മാറിനില്‍ക്കരുതെന്നും ചെറിയ സ്ഥലത്തു കൃഷിചെയ്തു വിജയം കണ്ടെത്തുകയാണു വേണ്ടതെന്നും അമ്മത്കുട്ടി പറഞ്ഞു.