മണലൂര്‍: ഒന്നര മാസം മുമ്പ് വാങ്ങിയ വീട് തകര്‍ന്ന് വീണ് ഗൃഹനാഥന് ഗുരുതരമായി പരുക്കേറ്റു. എളവള്ളി പാറ സെന്ററിന് സമീപം പനച്ചിക്കല്‍ തമ്പി (54)ക്കാണ് പരുക്കേറ്റത്. വാരിയെല്ല് തകര്‍ന്ന തമ്പിയെ മുതുവട്ടൂര്‍ രാജ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെയാണ് അപകടം. കൂലി പണിക്കാരനായ തമ്പി ജോലിക്ക് പോകാന്‍ തയ്യാറെടുക്കുന്നതിനിടയില്‍ വീട് തകര്‍ന്ന് ദേഹത്ത് പതിക്കുകയായിരുന്നു. വീട് തകരുന്നത് കണ്ട് വാവിട്ട് നിലവിളിച്ച് പുറത്തേക്ക് ഓടിയതിനാല്‍ ഭാര്യ ലിസി പരുക്കേല്‍ക്കാതെ രക്ഷപ്പെട്ടു. ഓടിയെത്തിയ വാര്‍ഡ് അംഗം കെ.ആര്‍ രഞ്ജിത്തിന്റെ നേതൃത്വത്തില്‍ നാട്ടുകാര്‍ രക്ഷാപ്രവര്‍ത്തനം നടത്തി.