ചേര്‍ത്തല:  ഹര്‍ത്താല്‍ ദിനത്തില്‍ പ്രാദേശിക ചാനല്‍ ക്യാമറാമാന്മാരെ ആക്രമിച്ചതില്‍ പ്രതിഷേധിച്ച് ചേര്‍ത്തലയില്‍ പ്രകടനവും പ്രതിഷേധ യോഗവും നടന്നു.
കഴിഞ്ഞ ദിവസം ബിജെപി -ആര്‍എസ് എസ് പ്രവര്‍ത്തകരുടെ  പ്രകടനത്തിനിടെ കെഎംസിഎന്‍ ചാനല്‍ ക്യാമറാമാന്‍ ഉന്മേഷ്, ആലപ്പി വിഷന്‍ ക്യാമറാമാന്‍ മനോജ് ആയില്യം എന്നിവര്‍ക്കാണ് മര്‍ദനമേറ്റത്.
 താലൂക്കിലെ മാധ്യമപ്രവര്‍ത്തകരാണ് പ്രതിഷേധ പ്രകടനവും യോഗവും നടത്തിയത്. അക്രമികളെ ഉടന്‍ അറസ്റ്റ് ചെയ്യുക, ഗുണ്ടകളെ പൊതുസമൂഹം ഒറ്റപ്പെടുത്തുക, രാഷ്ട്രിയ നേതൃത്വം നിലപാട് വ്യക്തമാക്കി ഗുണ്ടകളെ തള്ളിപ്പറയുക തുടങ്ങിയ ആവശ്യങ്ങളാണ് മാധ്യമപ്രവര്‍ത്തകര്‍ ഉയര്‍ത്തിയത്.
കെഎസ്ആര്‍ടിസി സ്റ്റാന്‍ഡിന് സമീപത്ത് ആരംഭിച്ച പ്രകടനം നഗരംചുറ്റി മുനിസിപ്പല്‍ ഷോപ്പിങ് കോംപ്ലക്‌സ് അങ്കണത്തില്‍ സമാപിച്ചു.