പെരിങ്ങത്തൂര്‍: വടകര തണല്‍, കരിയാട് പെയിന്‍ ആന്റ് പാലിയേറ്റീവ്, പബ്ലിക് ഇന്‍ഫര്‍മേഷന്‍,  പബ്ലിക് റിലേഷന്‍ വകുപ്പ് എന്നിവ സംയുക്തമായി നവംബര്‍ അഞ്ച്, ഏഴ് തിയതികളില്‍ കരിയാട് നമ്പ്യാര്‍സ് യു.പി സ്‌കൂളില്‍ നടത്തുന്ന 'വൃക്കക്കൊരു തണല്‍' മെഗാ എക്‌സിബിഷന്റെ ഭാഗമായി വൃക്കരോഗ സാധ്യത സ്‌ക്രീന്‍ ടെസ്റ്റ് യാത്ര തുടങ്ങി. ചൊക്ലി, തൃപ്രങ്ങോട്ടൂര്‍ പഞ്ചായത്ത്, പാനൂര്‍ നഗരസഭ എന്നിവിടങ്ങളിലാണു മുഴുവന്‍ സ്‌കൂളുകളും കേന്ദ്രീകരിച്ചു സ്‌ക്രീന്‍ ടെസ്റ്റ് നടത്തുന്നത്. കരിയാട് പുതുശ്ശേരി പള്ളി പരിസരത്ത് നടന്ന ചടങ്ങില്‍ ചൊക്ലി പ്രിന്‍സിപ്പല്‍ എസ്.ഐ  ഇ.വി ഫായിസ് അലി സ്‌ക്രീന്‍ ടെസ്റ്റ് മൊബൈല്‍ മെഡിക്കല്‍ ലാബിന്റെ ഫ്‌ളാഗ് ഓഫ് കര്‍മം നിര്‍വഹിച്ചു. നഗരസഭ കൗണ്‍സിലര്‍ ഹസീന അധ്യക്ഷയായി.
പി.കെ രാജന്‍, കെ.ടി.കെ റിയാസ്, ഡോ. മധുസുധനന്‍, എന്‍ ശ്രീധരന്‍, കെ.കെ ഭരതന്‍, എന്‍.എ കരീം, എം.ടി.കെ ബാബു, വി.പി ശങ്കരന്‍ സംബന്ധിച്ചു.