തളിപ്പറമ്പ്: നഴ്‌സിങ് രംഗത്ത് രാഷ്ട്രീയപ്രേരിതമായ സ്ഥലംമാറ്റങ്ങള്‍ അവസാനിപ്പിക്കാന്‍ എല്‍.ഡി.എഫ് സര്‍ക്കാര്‍ തയാറാകണമെന്ന് കെ.പി.സി.സി ജന.സെക്രട്ടറി സതീശന്‍ പാച്ചേനി. തളിപ്പറമ്പ് ബാംബൂഫ്രഷ് ഓഡിറ്റോറിയത്തില്‍ കേരളാ ഗവ.നഴ്‌സസ് യൂനിയന്‍ ജില്ലാ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ജില്ലാ പ്രസിഡന്റ് കെ.എം സലോമി അധ്യക്ഷയായി. സംസ്ഥാന ജന.സെക്രട്ടറി കെ.എം സന്തോഷ് മുഖ്യപ്രഭാഷണം നടത്തി. സംസ്ഥാന വൈസ് പ്രസിഡന്റ് ടി.കെ അരുണ, എന്‍.ജി.ഒ അസോസിയേഷന്‍ ജില്ലാ ജോ.സെക്രട്ടറി കെ.വി മഹേഷ്, ആലീസ് മാത്യു, എന്‍.പി സുകുമാരന്‍, നിധിന്‍ മാത്യു, എസ് ലീലാമ്മ, ബിജോയ്‌തോമസ്, കെ മുഹമ്മദ് ഷമീര്‍, പി സന്ദീപ്, കെ രാധ, എം ഏലിക്കുട്ടി സംസാരിച്ചു.