കുവൈത്ത് സിറ്റി: കുവൈത്തിലെ സെന്‍ട്രല്‍ ജയിലില്‍ കൊലപാതകക്കുറ്റം ചുമത്തപ്പെട്ട എട്ട് പ്രതികളുടെ വധശിക്ഷ ഇന്നു നടപ്പാക്കുമെന്ന് സുരക്ഷാ വൃത്തങ്ങള്‍ അറിയിച്ചു. ക്രിമിനല്‍, അപ്പീല്‍ കോടതികളുടെ അന്തിമ വിധികള്‍, ശിക്ഷകളുടെ തുടര്‍ന്നുള്ള അംഗീകാരം എന്നിവ ഉള്‍പ്പെടെ എല്ലാ നിയമ നടപടികളും പൂര്‍ത്തിയാക്കിയ ശേഷമാണ് വധശിക്ഷ നടപ്പാക്കുന്നത്.

കുറ്റവാളികളില്‍ ആറ് കുവൈത്ത് പൗരന്മാരും (5 പുരുഷന്മാരും 1 സ്ത്രീയും) ഒരു ഈജിപ്ഷ്യന്‍ വ്യക്തിയും ഒരു ബെഡൗണ്‍ എന്നിവരുമാണ് ഉള്‍പ്പെടുന്നത്. ആഭ്യന്തര മന്ത്രാലയം, തിരുത്തല്‍ സ്ഥാപനങ്ങള്‍, ക്രിമിനല്‍ എവിഡന്‍സ്, ക്രിമിനല്‍ എക്‌സിക്യൂഷന്‍ പ്രോസിക്യൂഷന്‍, പ്രസക്തമായ ജുഡീഷ്യല്‍ അധികാരികള്‍ എന്നിവയുടെ ഏകോപനത്തില്‍ വധശിക്ഷ നടപ്പാക്കുന്നതിന് ആവശ്യമായ എല്ലാ തയ്യാറെടുപ്പുകളും പൂര്‍ത്തിയാക്കിയിട്ടുണ്ട്. ശരിയായ പ്രോട്ടോക്കോള്‍ പാലിക്കുന്നുണ്ടെന്ന് ഉറപ്പാക്കാന്‍ ആരോഗ്യ മന്ത്രാലയത്തിലെ സ്‌പെഷ്യലൈസ്സ് ഡോക്ടര്‍മാര്‍ മേല്‍നോട്ടം വഹിക്കും.

ഇത് 2025ല്‍ നടപ്പാക്കുന്ന ആദ്യഘട്ട വധശിക്ഷയാണ്. മുമ്പ് സെന്‍ട്രല്‍ ജയിലില്‍ വെച്ച് ആറ് കൊലപാതക കുറ്റവാളികളെ 2024 സെപ്റ്റംബര്‍ 5 ന് വധിച്ചിരുന്നു. ഈ ശിക്ഷാവിധികള്‍ നടപ്പിലാക്കുന്നത് അന്തിമ ജുഡീഷ്യല്‍ വിധികളുടെ നിര്‍വഹണത്തെ പ്രതിഫലിപ്പിക്കുന്നു. 

Kuwait; Eight people will be executed in the first round of executions in 2035