കോഴിക്കോട്: മലബാര്‍ ചേംബര്‍ ഓഫ് കൊമേഴ്‌സ് പ്രസിഡന്റായി പി.വി നിധീഷ് ചുമതലയേറ്റു. ഹോട്ടല്‍ താജ് ഗേറ്റ്‌വേയില്‍ നടന്ന സ്ഥാനാരോഹണ ചടങ്ങില്‍ കോഴിക്കോട് കോര്‍പറേഷന്‍ മേയര്‍ തോട്ടത്തില്‍ രവീന്ദ്രന്‍ മുഖ്യാതിഥിയായിരുന്നു. യുവതയിലാണ് നഗരത്തിന്റെ പ്രതീക്ഷയെന്നും പുതിയ കാലത്തിനുതകുന്ന വികസനം കൊണ്ടുവരാന്‍ അവരാണ് ഏറ്റവും അനുയോജ്യരെന്നും അദ്ദേഹം പറഞ്ഞു.
ചടങ്ങില്‍ മലബാര്‍ ചേംബര്‍ ഓഫ് കൊമേഴ്‌സ് വൈസ് പ്രസിഡന്റ് കെ.വി ഹസീബ് അഹമ്മദ് മേയറെ പൊന്നാടയണിയിച്ചു. മേയര്‍ക്ക് പി.വി നിധീഷ് ഉപഹാരം സമര്‍പ്പിച്ചു. വി. നൗഷാദ് അധ്യക്ഷനായി. അലോക്കുമാര്‍ സാബു, അനില്‍കുമാര്‍, എം. നിത്യാനന്ദ കമ്മത്ത് സംസാരിച്ചു.