കൊല്ലങ്കോട്: അതിര്‍ത്തി പ്രദേശമായ ഗോവിന്ദാപുരം ആര്‍.ടി.ഒ ചെക് പോസ്റ്റില്‍ വിജിലന്‍സ് പരിശോധനയില്‍ കണക്കാക്കപ്പെടാത്ത 35, 150 രൂപ കണ്ടെത്തി. ഇന്നലെ രാവിലെ എട്ടോടെയാണ് വിജിലന്‍സ് ഡിവൈ.എസ്.പി സുകുമാരന്റെ നേതൃത്വത്തിലുള്ള സംഘം പരിശോധനയിലേര്‍പ്പെട്ടത്. മൂന്നു മണിക്കറോളം പരിശോധന തുടര്‍ന്നിരുന്നു. പരിശോധന സമയത്ത് ജോലി ചെയ്യുകയായിരുന്ന എ.എം.വി അനസ്, ഓഫിസ് അസിസ്റ്റന്റ് അശോക് കുമാര്‍ എന്നിവരില്‍ നിന്നാണ് കണക്കില്‍പ്പെടാത്ത തുക കണ്ടെത്തിയത്. അതിര്‍ത്തി കടന്ന് കേരളത്തിലേക്ക് വരുന്ന കൊയ്ത്ത് മിഷ്യന്‍ ടാക്‌സ് അടയ്ക്കാതെ വരുന്ന വാഹനങ്ങള്‍ തമിഴ് നാട്ടിലേക്ക് പോകുന്ന മരം കയറ്റിയ വാഹനങ്ങള്‍ അനധികമായി കടത്തിവിടുന്ന വാഹനങ്ങളില്‍ നിന്നാണ് പിരിവ് നടത്തി വന്‍ തുകകള്‍ കൈക്കലാക്കുന്നത്.
ശബരിമല സീസന്‍ തുടങ്ങുന്നതോടെ ഇവരുടെ അനധികൃത വരുമാനം ഒരു ലക്ഷം രൂപയുടെ മുകളിലോട്ട് പോകുമെന്നാണ് അറിയുന്നത്. തമിഴ്‌നാട് അതിര്‍ത്തിയായുള്ള പെട്രോള്‍ പമ്പിനെ സമീപമാണ് സൂട്ട്‌കെയില്‍ പണം നിറയ്ക്കുന്നത്. വിജിലന്‍സ് ഡിവൈ.എസ്.പി സുകുമാരന്‍ സി.ഐ. ശശി എസ്.ഐ സുരേന്ദ്രന്‍ നാരായണന്‍ ശങ്കര്‍ അനില്‍ സന്തോഷ് ചേര്‍ന്നാണ് അനധികൃത പണം കണ്ടെത്തിയത്.