മാറഞ്ചേരി: മാരാമുറ്റം പള്ളി പരിസരത്ത് രാത്രിയുടെ മറവില്‍ സാമൂഹ്യവിരുദ്ധര്‍ അറവുമാലിന്യങ്ങള്‍  തള്ളുന്നത് പതിവായതായി പരാതി. പ്ലാസ്റ്റിക് കവറില്‍കെട്ടിയ നിലയിലാണ് ഒന്നിടവിട്ടുള്ള  ദിവസങ്ങളില്‍ മാലിന്യം തള്ളുന്നത്.
പള്ളിയിലെത്തുന്ന വിശ്വാസികള്‍ക്കും പരിസരവാസികള്‍ക്കും ദുര്‍ഗന്ധം സഹിക്കാതാവുമ്പോള്‍ കുഴിച്ചുമൂടുകയാണ് പതിവ്. നാട്ടുകാര്‍ മാലിന്യം സംസ്‌കരിക്കുന്നതിനാല്‍ മാലിന്യം തള്ളുന്നതും പതിവായി. പ്രദേശത്തു പൊലിസ് പെട്രോളിങ് പതിവാക്കണമെന്നാണ് നാട്ടുകാരുടെ ആവശ്യം.