ന്യൂഡല്‍ഹി: ആം ആദ്മി പാര്‍ട്ടി എംഎല്‍എ റിതുരാജ് ഗോവിന്ദിനെ ഡല്‍ഹി പൊലിസ് അറസ്റ്റ് ചെയ്തു.ഡല്‍ഹിയിലെ കിരാരിയില്‍ ചാത് പൂജ ആഘോഷങ്ങളുടെ ഭാഗമായി ആളുകള്‍ കൂട്ടംകൂടുന്നത് പൊലിസ് നിരോധിച്ചിരുന്നു. ഇത് മറികടന്നതിനാണ് എംഎല്‍എയെ അറസ്റ്റ് ചെയ്തത്.

പൊലിസ് നിര്‍ദേശത്തിനെതിരേ എംഎല്‍എയും സംഘവും പൂജ നട്ക്കുന്നിടത്ത് പ്രതിഷേധം നടത്തിയിരുന്നു. ഇദ്ദേഹത്തിനെതിരേ എഫ്‌ഐആര്‍ രജിസ്റ്റര്‍ ചെയ്തതായി പോലീസ് അറിയിച്ചു.

ഫെബ്രുവരിയില്‍ ആം ആദ്മി സര്‍ക്കാര്‍ അധികാരത്തില്‍ എത്തിയശേഷം 20 എംഎല്‍എമാരാണ് ഡല്‍ഹിയില്‍ അറസ്റ്റിലായിരിക്കുന്നത്.