മലപ്പുറം: സാമൂഹികനീതി വകുപ്പിനു കീഴില്‍ സംസ്ഥാനതല ശിശുദിനാഘോഷ പരിപാടികള്‍ 14നു കോട്ടക്കല്‍ സി.എച്ച് ഓഡിറ്റോറിയത്തില്‍ നടത്തും. അങ്കണവാടി കുട്ടികള്‍ പങ്കെടുക്കുന്ന ശിശുദിന റാലി, ചിത്രരചനാ മത്സരം, വിവിധ കലാമത്സരങ്ങള്‍, തവനൂര്‍ ചില്‍ഡ്രന്‍സ് ഹോമിലെ കുട്ടികള്‍ അവതരിപ്പിക്കുന്ന കലാവിരുന്ന് എന്നിവ ഉണ്ടാകും.
മന്ത്രി കെ.കെ ശൈലജ ടീച്ചര്‍ ഉദ്ഘാടനം ചെയ്യും. പ്രൊഫ. ആബിദ് ഹുസൈന്‍ തങ്ങള്‍ എം.എല്‍.എ അധ്യക്ഷനാകും. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍ മഖ്യാതിഥിയാകും. ജില്ലാ കലക്ടര്‍ എ. ഷൈനാമോള്‍ മുഖ്യപ്രഭാഷണവും ശിശുദിന സന്ദേശവും നല്‍കും.  കോട്ടക്കല്‍ നഗരസഭ ചെയര്‍മാന്‍ കെ.കെ. നാസര്‍, ജനപ്രതിനിധികള്‍, സാംസ്‌കാരിക നായകര്‍ പങ്കെടുക്കും.