കോഴിക്കോട്: നിയമസഭാ തെരഞ്ഞെടുപ്പില്‍ നോട്ടയ്ക്കും ഇഷ്ടം പോലെ വോട്ട്് കിട്ടി. ജില്ലയിലെ 13 നിയമസഭാ മണ്ഡലങ്ങളില്‍ നിന്നായി 8,889 വോട്ടാണ് നോട്ടയ്ക്ക്് ലഭിച്ചത്.വോട്ടര്‍മാര്‍ക്ക് സ്ഥാനാര്‍ഥാികളോട് വിയോജിക്കാന്‍  ജനങ്ങള്‍ക്കുള്ള പ്രതിഷേധാത്മക ചിഹ്നമാണ് നോട്ട. ഈ അവസരം ജില്ലയിലെ അനേകം വോട്ടര്‍മാര്‍ ഉപയോഗിച്ചു. കുന്ദമംഗലം മണ്ഡലത്തില്‍ നിന്നാണ് നോട്ടയ്ക്ക് ഏറ്റവും കൂടുതല്‍ വോട്ടു കിട്ടിയത്. 1,148 വോട്ടുകളാണ് കുന്ദമംഗലത്ത് നിന്ന് നോട്ട നേടിയെടുത്തത്. ഈ വര്‍ഷം നോട്ടയ്ക്കായി പ്രത്യേക ചിഹ്നവുമുണ്ടായിരുന്നു. പല മണ്ഡലത്തിലും ചെറുകക്ഷികള്‍ക്ക് ലഭിച്ചതിനേക്കാള്‍ കൂടുതല്‍ വോട്ട് നോട്ടയ്ക്ക് ലഭിച്ചു. ഏറ്റവും കുവ് വോട്ടുകള്‍ ലഭിച്ചത്് കുറ്റ്യാടി മണ്ഡലത്തില്‍ നിന്നാണ്. വെറും 375 വോട്ടുകള്‍ മാത്രമാണ് ഇവിടെ നിന്ന്  ലഭിച്ചത്. നോട്ട വോട്ടില്‍ എലത്തൂര്‍ മണ്ഡലമാണ് രണ്ടാം സ്ഥാനത്ത് നില്‍ക്കുന്നത്. തിരുവമ്പാടിയും, കോഴിക്കോട്്് നോര്‍ത്തും സൗത്തും പിന്നാലെയുണ്ട്. വടകര (506), നാദാപുരം (446), കൊയിലാണ്ടി (653), പേരാമ്പ്ര (616), ബാലുശ്ശേരി (638), എലത്തൂര്‍ (986), നോര്‍ത്ത്്് (770), സൗത്ത് (788), ബേപ്പൂര്‍ (605), കൊടുവള്ളി (582), തിരുവമ്പാടി (776) എന്നിങ്ങനെയാണ് നോട്ട വോട്ടുകള്‍.