ഹരിപ്പാട്:നവംബര്‍ 17,18 തീയതികളിലായി മാവേലിക്കരയിലെ വിവിധ സ്‌കൂളുകളില്‍ നടന്ന ആലപ്പുഴ റവന്യൂ ജില്ലാ ശാസ്ത്ര-ഗണിത ശാസ്ത്ര- സാമൂഹ്യ ശാസ്ത്ര- പ്രവൃത്തി പരിചയ- ഐ ടി മേളകളില്‍ തിളക്കമാര്‍ന്ന വിജയവുമായി മണ്ണാറശാല യു. പി സ്‌കൂളിലെ വിദ്യാര്‍ത്ഥികള്‍ ചരിത്രം കുറിച്ചു.
സാമൂഹ്യ ശാസ്ത്ര മേളയില്‍ എല്‍. പി-യു. പി വിഭാഗം ഓവറോള്‍ ചാമ്പ്യന്‍ മാരായി. ശാസ്ത്ര മേളയില്‍ എ ല്‍. പി, യു. പി വിഭാഗത്തിന് ഫസ്റ്റ് റണ്ണറപ്പ് ആകാന്‍ കഴിഞ്ഞു. ഗണിത ശാസ്ത്ര മേളയില്‍ എല്‍ പി വിഭാഗം ഓവറോള്‍ കരസ്ഥമാക്കി. യു. പി വിഭാഗത്തിന് ഫസ്റ്റ് റണ്ണറപ്പ് ആകാന്‍ കഴിഞ്ഞു. പ്രവൃത്തി പരിചയ മേളയിലും മത്സരാര്‍ത്ഥികള്‍ മികച്ച പ്രകടനം കാഴ്ചവച്ചു. സംസ്ഥാന തലത്തില്‍ നടക്കുന്ന ശാസ്‌ത്രോത്സവത്തില്‍ സ്‌കൂളിനെ പ്രതിനിധീകരിച്ച് ഈ വര്‍ഷം കൂടുതല്‍ കുട്ടികള്‍ പങ്കെടുക്കുന്നു.