വാഷിങ്ടണ്‍: യു.എസ് തെരഞ്ഞെടുപ്പില്‍ ദശലക്ഷക്കണക്കിന് കള്ളവോട്ടുകളെന്ന് യു.എസ് നിയുക്ത പ്രസിഡന്റ് ഡൊണാള്‍ഡ് ട്രംപ്.
വിസ്‌കോസിണില്‍ വീണ്ടും വോട്ടെണ്ണല്‍ നടത്താനുള്ള തീരുമാനത്തോട് പ്രതികരിച്ച് നടത്തിയ ട്വീറ്റിലാണ് ട്രംപ് ഇക്കാര്യം പറയുന്നത്. എനിക്കു കിട്ടിയ വോട്ട് വീണ്ടും എണ്ണണം എന്നു പറയുന്നവരോട് ട്രംപ് ചോദിക്കുന്നത് ഇങ്ങനെയാണ്. ദശലക്ഷക്കണക്കിന് കള്ളവോട്ടുകള്‍ നിങ്ങള്‍ക്ക് കണക്കില്‍ നിന്ന് കുറക്കാനാകുമോ.
കള്ളവോട്ടുകള്‍ക്ക് അദ്ദേഹം തെളിവൊന്നും നല്‍കിയില്ല. ഗ്രീന്‍ പാര്‍ട്ടിയാണ് വിസ്‌കോസിണ്‍ ഉള്‍പ്പെടെ മൂന്ന് സംസ്ഥാനങ്ങളില്‍ വീണ്ടും വോട്ടെണ്ണല്‍ ആവശ്യപ്പെട്ടത്.