തിരുവനന്തപുരം: കൗമാര പ്രായക്കാരായ പെണ്‍കുട്ടികളുടെ സാമൂഹ്യ മാനസികാവസ്ഥ മെച്ചപ്പെടുത്തുന്നതിന് ഊന്നല്‍ നല്‍കിക്കൊണ്ട് സംസ്ഥാന സര്‍ക്കാര്‍ ആവിഷ്‌കരിച്ച സൈക്കോ സോഷ്യല്‍ പദ്ധതിയുടെ ഭാഗമായി സ്‌കൂള്‍ കൗണ്‍സിലര്‍മാര്‍മാര്‍ക്കായി സി.ഡി.സി.യില്‍ പരിശീലന പരിപാടി സംഘടിപ്പിച്ചു. സാമൂഹ്യനീതി വകുപ്പ് സെക്രട്ടറി എ. ഷാജഹാന്‍  ഉദ്ഘാടനം ചെയ്തു. സാമൂഹ്യനീതി വകുപ്പ് ഡയറക്ടര്‍ ടി.വി. അനുപമ  അധ്യക്ഷയായി. സി.ഡി.സി. ഡയറക്ടര്‍ ഡോ. ബാബു ജോര്‍ജ്, സാമൂഹ്യ നീതി ഡയറക്ടറേറ്റ് സ്റ്റേറ്റ് പ്രോജക്ട് ഡയറക്ടര്‍ വി.എസ്. വേണു, അസി. ഡയറക്ടര്‍ ഏലിയാമ്മ വര്‍ഗീസ് എന്നിവര്‍ പങ്കെടുത്തു. നാലു ദിവസം നീണ്ടുനില്‍ക്കുന്ന പരിശീലന പരിപാടിയില്‍ 50 പേരെ ഉള്‍ക്കൊള്ളിച്ചു കൊണ്ട് 10 ബാച്ചുകളിലായി 500 കൗണ്‍സിലര്‍മാര്‍ പങ്കെടുക്കുന്നു. സി.ഡി.സി.യിലെ ഡോക്ടര്‍മാര്‍ക്ക് പുറമേ പ്രശസ്തരായ അധ്യാപകരും വിദഗ്ധരും ക്ലാസുകള്‍ കൈകാര്യം ചെയ്യും.