മാറഞ്ചേരി: അനധികൃത വില്‍പനക്കായി സൂക്ഷിച്ച വിദേശ മദ്യവുമായി യുവാവ് പിടിയിലായി. മാറഞ്ചേരി പരിചകം കോതോട്ട് സുരേന്ദ്രനെയാണ് പെരുമ്പ്മടപ്പു എസ്.ഐ ആര്‍. രാജേന്ദ്രന്‍ നായരും സംഘവും പിടികൂടിയത്. അഞ്ചുലിറ്റര്‍ മദ്യം ഇദ്ദേഹത്തിന്റെ കൈയില്‍ നിന്നും പിടികൂടി. മാറഞ്ചേരിയുടെ വിവിധ ഭാഗങ്ങളില്‍ വിതരണം ചെയ്യാനുള്ള മദ്യമാണ് പിടികൂടിയത്. മേഖലയില്‍ നിലനില്‍ക്കുന്ന മദ്യ മാഫിയക്കെതിരെ ശക്തമായ നടപടികളുമായി മുന്നോട്ടുപോകുമെന്ന് എസ്.ഐ അറിയിച്ചു.