തലശ്ശേരി: തീവ്രവാദ ഭീഷണി ഉള്‍പ്പെടെ മുന്നില്‍ കണ്ട് തീരദേശത്ത് പൊലിസ് സുരക്ഷ കര്‍ശനമാക്കി. തലശ്ശേരി പൊലിസ് സബ്ഡിവിഷനിലെ തീര പ്രദേശങ്ങളിലാണ് ഇന്നലെ മുതല്‍ പ്രത്യേക സുരക്ഷ ഒരുക്കിയത്. ശനിയാഴ്ച വരെ സുരക്ഷ തുടരുമെന്ന് പൊലിസ് അറിയിച്ചു.
തലശ്ശേരി കടലോരത്ത് പ്രത്യേക എയ്ഡ് പോസ്റ്റ് പ്രവര്‍ത്തിക്കും. തലശ്ശേരി സി.ഐ പ്രദീപന്‍ കണ്ണിപ്പൊയില്‍, ടൗണ്‍ എസ്.ഐ ബി രാജീവ് എന്നിവരുടെ നേതൃത്വത്തിലാണ് സുരക്ഷാ സന്നാഹം. ഒരു പിക്കറ്റ് പോസ്റ്റില്‍ അഡീഷണല്‍ എസ്.ഐമാരുള്‍പ്പെടെ നാലു പേര്‍ രാപ്പകല്‍ ഡ്യൂട്ടിയിലുണ്ടാവും.
തലശ്ശേരിയില്‍ തീരദേശ പൊലിസ് സ്റ്റേഷന്‍ തലായ് മാക്കൂട്ടത്ത് നിര്‍മാണം പൂര്‍ത്തീകരിച്ചെങ്കിലും ഇതുവരെ ഉദ്ഘാടനം ചെയ്തിട്ടില്ല. ഇപ്പോള്‍ സ്‌റ്റേഷന്‍ കെട്ടിടം കാടുകയറി സാമൂഹ്യദ്രോഹികളുടെ കേന്ദ്രമായി മാറിയിരിക്കുകയാണ്.