മലപ്പുറം: ആള്‍ കേരള കോപറേറ്റീവ് കോളജസ് അസോസിയേഷന്റെ ആഭിമുഖ്യത്തില്‍ ജനുവരി 28, 29 തിയതികളില്‍ മലപ്പുറത്ത് നടക്കുന്ന ജില്ലയിലെ കോപറേറ്റീവ് കോളജിലെ വിദ്യാര്‍ഥികളുടെ കലോത്സവ സ്വാഗതസംഘം ഓഫിസ് ഉദ്ഘാടനവും ലോഗോ പ്രകാശനവും നടന്നു.
മലപ്പുറം കോപറേറ്റീവ് കോളജില്‍ നടന്ന ചങ്ങില്‍ സ്വാഗതസംഘം ഓഫിസ് ഉദ്ഘാടനം പി ഉബൈദുള്ള എം.എല്‍.എയും ലോഗോ പ്രകാശനം മലപ്പുറം മുനിസിപ്പല്‍ ചെയര്‍പേഴ്‌സണ്‍ സി.എച്ച് ജമീല ടീച്ചറും നിര്‍വഹിച്ചു. കലേത്സവ കമ്മിറ്റി ചെയര്‍മാന്‍ പാലോളി കുഞ്ഞിമുഹമ്മദ് അധ്യക്ഷനായി. വാര്‍ഡ് കൗണ്‍സിലര്‍ കെ.വി വത്സലകുമാരി, പി.വി നാരായണന്‍ കുട്ടി മാസ്റ്റര്‍, എ.കെ.സി.സി.എ സംസ്ഥാന സെക്രട്ടറി മജീദ് ഇല്ലിക്കല്‍, എ.കെ.സി.സി.എ സംസ്ഥാന പ്രസിഡന്റ് എം അബ്ദുല്‍ കരീം, കെ.വി ബാലകൃഷ്ണന്‍ മാസ്റ്റര്‍ സംസാരിച്ചു.