ന്യൂഡല്‍ഹി: ഇന്ത്യന്‍ രഹസ്യാന്വേഷണ ഏജന്‍സികള്‍ക്ക് പുതിയ മേധാവികളെ കേന്ദ്രസര്‍ക്കാര്‍ നിയമിച്ചു.

ഇന്റലിജന്‍സ് ബ്യൂറോ (ഐബി) യുടെ തലവനായി രാജീവ് ജെയ്‌നെയും റിസേര്‍ച്ച് ആന്‍ഡ് അനാലിസിസ് വിംഗിന്റെ (റോ) തലവനായി അനില്‍ ദാശ്മാനയെയും കേന്ദ്ര സര്‍ക്കാര്‍ നിയമിച്ചു.

നിലവില്‍ ഐ.ബി മേധാവിയായ ദിനേശ്വര്‍ ശര്‍മയും റോ മേധാവിയായ രജീന്ദര്‍ ഖന്നയും വിരമിക്കുന്നതിനെ തുടര്‍ന്നാണ് പുതിയ മേധാവികളുടെ നിയമനം. ജനുവരി ഒന്നിന് ഇവര്‍ സ്ഥാനം ഏറ്റെടുക്കും

1980 ബാച്ച് ജാര്‍ഖണ്ഡ് കേഡര്‍ ഓഫീസറാണ് ജെയ്ന്‍. ഡല്‍ഹി, ഗുജറാത്ത് എന്നീ സംസ്ഥാനങ്ങളിലെ രഹസ്വാന്വേഷണ ഏജന്‍സി മേധാവിയായും ജെയ്ന്‍ നേരത്തെ സേവനം അനുഷ്ടിച്ചിട്ടുണ്ട്.

ദാശ്മാനെ 1980 ബാച്ച് മധ്യപ്രദേശ് കേഡര്‍ ഓഫീസറാണ്. റോയില്‍ നിലവില്‍ രണ്ടാമനാണ് അദ്ദേഹം.