ചേറ്റുവ: ചേറ്റുവ ജി.എം.യു.പി സ്‌കൂളിലെ കിണര്‍ ശുചീകരണം ആരംഭിച്ചു. ഏകദേശം 20 വര്‍ഷത്തോളമായി ഉപയോഗ ശൂന്യമായി കിടന്നിരുന്ന കിണറില്‍ മാലിന്യ കൂമ്പാരമാണ്. തളിക്കുളം ബ്ലോക്ക് ജല സംരക്ഷണ സമിതിയുടെ പ്രവര്‍ത്തനങ്ങളെ പിന്തുണച്ചു ചേറ്റുവ എഫ്.എ.സി ക്ലബും, ചേറ്റുവ അസോസിയേഷന്‍ യു.എ.ഇയും സംയുക്തമായാണ് ശുചീകരണ പ്രവര്‍ത്തനങ്ങള്‍ക്ക് തുടക്കം കുറിച്ചത്. നാല്‍പതോളം ക്ലബ് പ്രവര്‍ത്തകരും മറ്റും ശുചീകരണത്തില്‍ പങ്കെടുത്തു. രാവിലെ ആരംഭിച്ച ശുചീകരണത്തില്‍ രണ്ടുറിങ്ങോളം മാലിന്യങ്ങള്‍ പുറത്തേക്ക് നീക്കം ചെയ്തിട്ടുണ്ട്.