കൊല്ലം: പ്രമുഖ വ്യവസായി പച്ചയില്‍ ശശിധരന്റെ സ്മരണാര്‍ത്ഥം വര്‍ഷം തോറും നല്‍കി വരുന്ന പച്ചയില്‍ ശശിധരന്‍ പുരസ്‌കാരത്തിന് അപേക്ഷകള്‍ ക്ഷണിച്ചു.
പഠന പാഠ്യേതര വിഷയങ്ങളില്‍ മികവ് പുലര്‍ത്തുന്ന സ്‌കൂളിനാണ് ഇക്കുറി പുരസ്‌കാരം നിശ്ചയിക്കപ്പെട്ടിരിക്കുന്നത്. പ്രൈമറി മുതല്‍ ഹൈസ്‌കൂള്‍ വരെയുള്ള എല്ലാ സ്‌കൂളുകള്‍ക്കും പങ്കെടുക്കാം. വിദ്യാര്‍ത്ഥികളുടെയും അധ്യാപകരുടെയും വ്യക്തിഗത മികവ് ഉള്‍പ്പടെ പരിഗണിക്കും. 2016ലെ പ്രവര്‍ത്തന റിപ്പോര്‍ട്ടാണ് നല്‍കേണ്ടത്. 20,000 രൂപയും മെമന്റോയും അടങ്ങിയതാണ് പുരസ്‌കാരം. എന്‍ട്രികള്‍ 2017 ജനുവരി 15നകം ലഭിക്കത്തക്കവിധം സെക്രട്ടറി പച്ചയില്‍ ശശിധരന്‍ ഫൗണ്ടേഷന്‍, പാങ്ങലുകാട്, പുലിപ്പാറ പി.ഒ, കടയ്ക്കല്‍, കൊല്ലം ജില്ല എന്ന വിലാസത്തിലോ ുമരവമ്യശഹമെശെ@ഴാമശഹ.രീാ എന്ന ഇ-മെയിലിലോ അയക്കാം. 2017 മാര്‍ച്ച് 11ന് കടയ്ക്കലില്‍ നടക്കുന്ന ചടങ്ങില്‍ അവാര്‍ഡ് വിതരണം ചെയ്യുമെന്ന് സന്ദീപ്, സതീശ്, പ്രമോദ് കണ്ണന്‍ എന്നിവര്‍ പത്രസമ്മേളനത്തില്‍ അറിയിച്ചു.