പയ്യന്നൂര്‍: മതേതരത്വത്തിന്റെ സന്ദേശവുമായി പയ്യന്നൂരില്‍ ക്രിസ്മസ് സൗഹൃദ സംഗമം സംഘടിപ്പിച്ചു. പയ്യന്നൂരും പരിസരങ്ങളിലുമുള്ള ക്രൈസ്തവ സമൂഹങ്ങളുടേയും കണ്ണൂര്‍ പീസ് ആന്റ് ഹാര്‍മണി ഫൗണ്ടേഷന്റേയും ആഭിമുഖ്യത്തിലാണ് സന്‍മനസുള്ളവര്‍ക്ക് സമാധാനമെന്ന ആശയവുമായി സംഗമം നടത്തിയത്. പയ്യന്നൂര്‍ ഷേണായി സ്‌ക്വയറില്‍ നടന്ന പരിപാടിയില്‍ സമാധാന ദീപം തെളിയിച്ചു. പയ്യന്നൂര്‍ നഗരസഭാ ചെയര്‍മാന്‍ അഡ്വ. ശശി വട്ടക്കൊവ്വല്‍ ഉദ്ഘാടനം ചെയ്തു. പീസ് ആന്റ് ഹാര്‍മണി ഫൗണ്ടേഷന്‍ ചെയര്‍മാന്‍ ഫാ. സ്‌കറിയ കല്ലൂര്‍ അധ്യക്ഷനായി. ഫാ. ജോസ് പൂവന്നിക്കുന്നേല്‍, ടി.ഐ മധുസൂദനന്‍, അഡ്വ. ഡി.കെ ഗോപിനാഥ്, ടി രാമകൃഷ്ണന്‍, കെ.ടി സഹദുല്ല, ബ്രഹ്മകുമാരി ശാന്ത, ഉസ്താദ് മുത്തലീബ് ഖത്താമി, ഫാ. ക്രിസ്റ്റി, അഡ്വ. ടോണി ജോസഫ്, ഫാ. അജിജോണ്‍, ഇവാഞ്ചലിസ്റ്റ് ജോസ്പ്രകാശ് സംസാരിച്ചു.