വിഴിഞ്ഞം: മത്സ്യബന്ധനത്തിന് പോയ കരമടി വള്ളം കടല്‍ക്ഷോഭത്തില്‍പ്പെട്ട് തകര്‍ന്നു.
ഇന്നലെ രാവിലെ 8.30 ഓടെ വിഴിഞ്ഞം ഐ.ബിക്കടുത്ത്  ചെറിയമണല്‍ കടപ്പുറത്താണ് ശക്തമായ തിരയടിയില്‍ വിഴിഞ്ഞം ടൗണ്‍ഷിപ്പ് സ്വദേശി അബ്ദുള്‍ ഷുക്കൂറിന്റെ ഉടമസ്ഥതയിലുള്ള കരമടി വള്ളം തകര്‍ന്നത്.
അപകട സമയത്ത് എട്ട് മത്സ്യത്തൊഴിലാളികളാണ് വള്ളത്തില്‍ ഉണ്ടായിരുന്നത്. ഇവര്‍ പരുക്കുകളില്ലാതെ രക്ഷപ്പെട്ടു. അമ്പതിനായിരത്തോളം രൂപയുടെ നാശനഷ്ടം ഉണ്ടായതായി മത്സ്യതൊഴിലാളികള്‍ പറഞ്ഞു.വിഴിഞ്ഞം ഫിഷറീസ് ഓഫിസിലും വിഴിഞ്ഞം കോസ്റ്റല്‍ പൊലിസിലും പരാതി നല്‍കി. നാല്‍പത് പേരാണ് ഈ വള്ളത്തില്‍   മത്സ്യബന്ധനം നടത്തിയിരുന്നത്.