ആലപ്പുഴ:സര്‍ക്കാരിന്റെ നവകേരളത്തിനായുള്ള കര്‍മപദ്ധതിയിലുള്ള ഹരിതകേരളം മിഷന്റെ പ്രചരാണാര്‍ഥം ഇന്‍ഫര്‍മേഷന്‍- പബ്ലിക് റിലേഷന്‍സ് വകുപ്പിന്റെ ഹരിതകേരളം എക്‌സ്പ്രസ് പ്രദര്‍ശന വാഹനം കഴിഞ്ഞ ദിവസം ജില്ലയുടെ വടക്കന്‍ ഭാഗങ്ങളില്‍ പര്യടനം നടത്തി.
ഇന്നലെ രാവിലെ അരൂരില്‍ നിന്ന് യാത്ര ആരംഭിച്ചു. തുടര്‍ന്ന് പ്രദര്‍ശന വാഹനം വടുതല,തണ്ണീര്‍മുക്കം,ചേര്‍ത്തല, മുഹമ്മ,മണ്ണഞ്ചേരി,എന്നിവടങ്ങളിലൂടെ ആലപ്പുഴ ബീച്ചിലെത്തി.വാഹനത്തോടൊപ്പം കലാസംഘത്തിന്റെ പ്രത്യേക വാഹന വ്യൂഹവുമുണ്ടായി. ജയചന്ദ്രന്‍ കടമ്പനാടിന്റെ നേതൃത്വത്തിലുള്ള ഗ്രാമീണ ഗായകസംഘം കൃഷി, ജൈവജീവനം തുടങ്ങിയവയുടെ പ്രാധാന്യം വിളിച്ചോതുന്ന പാട്ടുകള്‍ അവതരിപ്പിച്ചു.
വ്യാഴാഴ്ച ആരംഭിച്ച ജില്ലയിലെ പര്യടനം കായംകുളം കെ.എസ്.ആര്‍.ടി.സി. ബസ്റ്റാന്‍ഡില്‍ വച്ച് പൊതുമരാമത്ത്-രജിസ്‌ട്രേന്‍ വകുപ്പുമന്ത്രി ജി.സുധാകരന്‍ ഫഌഗ് ഓഫ് ചെയ്തു.