ജിദ്ദ : സഊദിയിലെ അരാറിലുള്ള ഷോപ്പിങ് മാളില്‍ വച്ച് മൂന്ന് വയസ്സുകാരനെ ചെന്നായ കടിച്ചു. മാളിനകത്ത് കൂട്ടിലിട്ടിരുന്ന ചെന്നായയാണ് കുട്ടിയുടെ കൈ കടിച്ചു മുറിച്ചത്.കയ്യില്‍ ആഴത്തില്‍ മുറിവേറ്റ കുട്ടിയെ ഉടന്‍ ആശുപത്രിയില്‍ പ്രവേശിപ്പിച്ചു.

കുടുംബത്തോടൊപ്പം മാളിലെത്തിയ കുട്ടി ഇവരുടെ ശ്രദ്ധ തിരിഞ്ഞ സമയം ചെന്നായയുടെ കൂടിനു സമീപം ചെല്ലുകയായിരുന്നു. ഈ സമയത്താണ് ചെന്നായ കുട്ടിയുടെ കയ്യില്‍ കടിച്ചത്.
സംഭവത്തെ കുറിച്ച് അന്വേഷണം ആരംഭിച്ചിട്ടുണ്ട്. കുട്ടികളുമായി കുടുംബങ്ങള്‍ ഷോപ്പിങിന് എത്തുന്ന മാളില്‍ വന്യമൃഗത്തെ പാര്‍പ്പിച്ചതിനെതിരെ രൂക്ഷ വിമര്‍ശനമാണ് ഉയര്‍ന്നു വരുന്നത്.