പാവറട്ടി:  ജില്ലാ  സ്‌കൂള്‍  കലോത്സവത്തില്‍   ഹയര്‍സെക്കന്‍ഡറി വിഭാഗത്തിലെ വട്ടപ്പാട്ട്  മത്സരത്തില്‍  വിധികര്‍ത്താക്കളുടെ  അവഗണനയെന്ന  പരാതിയുമായി  വിദ്യാര്‍ഥികളും രക്ഷിതാക്കളും രംഗത്ത്.
 കുന്നംകുളത്ത് വച്ച് നടന്ന തൃശ്ശൂര്‍ ജില്ലാ കലോത്സവ വേദിയിലാണ് സംഭവം.  പാവറട്ടി  സെന്റ്. ജോസഫ്  സ്‌കൂളിലെ  വിദ്യാര്‍ഥികളാണ്  പരാതിയുമായി  രംഗത്തെത്തിയത്.  മൂന്നാം സ്ഥാനവും എ ഗ്രേഡും  നേടിയ  സ്‌കൂളിന് സംസ്ഥാന  കലോത്സവത്തിലേക്ക്  മത്സരാനുമതി നല്‍കാതെ മൂന്നാംസ്ഥാനം മാത്രമുള്ള സ്‌കൂളിന് അനുമതി നല്‍കിയതാണ് പരാതിക്ക് കാരണം. മത്സരത്തിന്റെ വിഡിയോ ഇല്ലാതെ ഏത് അടിസ്ഥാനത്തിലാണ് അപ്പീല്‍ തള്ളിയതെന്ന്  വിദ്യാര്‍ഥികള്‍  ചോദിക്കുന്നു.  വിദ്യാഭ്യാസ മന്ത്രി, ഡി.പി.ഒ, സംസ്ഥാന  ബാലവകാശ കമ്മിഷന്‍ എന്നിവര്‍ക്ക് പരാതി  നല്‍കി.