മനാമ: സമസ്ത വിദ്യാഭ്യാസ ബോര്‍ഡ് സെക്രട്ടറിയും കടമേരി റഹ്മാനിയ്യ അറബിക് കോളേജ് പ്രിന്‍സിപ്പാളുമായിരുന്ന കോട്ടുമല ടി.എം ബാപ്പു മുസ്‌ലിയാരുടെ അനുസ്മരണവും വിപുലമായ പ്രാര്‍ത്ഥനാ സദസ്സും ഞായറാഴ്ച ബഹ്‌റൈനില്‍ നടക്കുമെന്ന് കടമേരി റഹ്മാനിയ്യ അറബിക് കോളജ് ബഹ്‌റൈന്‍ കമ്മറ്റി ഭാരവാഹികള്‍ അറിയിച്ചു.

മനാമയിലെ സമസ്ത കേന്ദ്ര ആസ്ഥാനത്ത് നടക്കുന്ന പരിപാടിയില്‍ ബഹ്‌റൈനിലെ മത,രാഷ്ടീയ,സാമൂഹിക,സാംസ്‌കാരിക രംഗത്തെ പ്രമുഖര്‍ സംബന്ധിക്കും. അനുസ്മരണ ചടങ്ങിനു ശേഷം സമസ്ത ബഹ്‌റൈന്‍ പ്രസിഡന്റ് സയ്യിദ് ഫഖ്‌റുദ്ധീന്‍ കോയ തങ്ങളുടെ നേതൃത്വത്തിലുള്ള പ്രാര്‍ത്ഥനാ മജ്‌ലിസും നടക്കും.

സമസ്ത ബഹ്‌റൈന്‍ നേതാക്കളും പണ്ഡിതന്മാരും ചടങ്ങില്‍ സംബന്ധിക്കും. കടമേരി റഹ്മാനിയ്യയുമായി ബന്ധപ്പെട്ട ബഹ്‌റൈനിലുള്ള മുഴുവന്‍ പ്രവര്‍ത്തകരും കമ്മറ്റി അംഗങ്ങളും നാട്ടുകാരും അഭ്യുദയ കാംക്ഷികളും ചടങ്ങില്‍ പങ്കെടുക്കണമെന്ന് ഭാരവാഹികള്‍ അഭ്യര്‍ത്ഥിച്ചു. കൂടുതല്‍ വിവരങ്ങള്‍ക്ക് +97334546427 ല്‍ ബന്ധപ്പെടുക.