മൂവാറ്റുപുഴ: മിനി ലോറിയില്‍ കൊണ്ട് വരികയായിരുന്ന 1500 മുടി വൈക്കോല്‍ കത്തി നശിച്ചു. ഇന്നലെ ഉച്ചയ്ക്ക് 1.50ന് മാറാടി പഞ്ചായത്ത് കവലയിലാണ് സംഭവം.
മുളവൂര്‍ കുംമ്പപ്പിള്ളില്‍ കെ.എന്‍ സാലു 407ലോറിയില്‍ 1500മുടി വൈക്കോല്‍ കയറ്റി വരുന്നതിനിടെ കോട്ടയം മാറാടിപിറവം മാറാടി റൂട്ടില്‍ മാറാടി പഞ്ചായത്ത് കവലയില്‍ വച്ച് ഇലക്ട്രിക് ലൈനില്‍ തട്ടിയതിനെ തുടര്‍ന്നാണ് വൈക്കോലിന് തീപടര്‍ന്ന് പിടിച്ചത്.
ഉടന്‍ നാട്ടുകാര്‍ ഫയര്‍ഫോഴ്‌സിനെ വിവരമറിയിക്കുകയായരുന്നു. മൂവാറ്റുപുഴയില്‍ നിന്നുമെത്തിയ ഫയര്‍ഫോഴ്‌സ് സംഘമാണ് തീ അണച്ചത്. സ്റ്റേഷന്‍ ഓഫീസര്‍ ജോണ്‍ ജി.പ്ലാക്കില്‍, ലീഡിങ് ഫയര്‍മാന്‍ കെ.എ ജാഫര്‍ഖാന്‍ എന്നിവരുടെ നേതൃത്വത്തിലാണ് തീയണച്ചത്. ഫയര്‍ഫോഴ്‌സിന്റെ സമയോചിതമായ ഇടപെടലിനെ തുടര്‍ന്ന് തീയണക്കാന്‍ കഴിഞ്ഞത് വന്‍ദുരന്തം ഒഴിവായി. 10000രൂപയുടെ നഷ്ടം സംഭവിച്ചതായി കണക്കാക്കുന്നു.