പാനൂര്‍: കൊളവല്ലൂര്‍ സ്റ്റേഷന്‍ പരിധിയിലെ കല്ലുവളപ്പ് പാത്തിക്കല്‍ മോഹനഗിരി എസ്റ്റേറ്റ് റോഡില്‍ ആളൊഴിഞ്ഞ പറമ്പില്‍ നിന്നു മൂന്നു ബോംബുകള്‍ പൊലിസ് കണ്ടെടുത്തു. ഒന്ന് സ്റ്റീല്‍ ബോംബും മറ്റു രണ്ടെണ്ണം കുപ്പി ബോംബുകളുമാണ്. ഗ്ലാസ് കുപ്പികളിലുള്ള ബോംബുകള്‍ ആദ്യമായാണ് കണ്ടെത്തുന്നത്. ഇത് ഏറെ അപകടകരമാണെന്ന് പൊലിസ് പറഞ്ഞു. രാഷ്ട്രീയ സംഘര്‍ഷം നിലനില്‍ക്കുന്ന മേഖലയില്‍ നിരന്തര പരിശോധയുടെ ഭാഗമായാണ് ബോംബുകള്‍ കണ്ടെടുത്തത്.