പയ്യന്നൂര്‍: സി.പി.എം പയ്യന്നൂര്‍ ഏരിയാ സെക്രട്ടറി ടി.ഐ മധുസൂദനന് വീണ്ടും വധഭീഷണി. കഴിഞ്ഞ ദിവസം വൈകുന്നേരം മൂന്നോടെ ഏരിയാ കമ്മിറ്റി ഓഫിസിലെ ഫോണിലാണ് ഭീഷണി സന്ദേശം വന്നത്. രണ്ടില്‍ കൂടുതല്‍ തവണ ഭീഷണി ഫോണ്‍ വന്നു. ഏരിയാ സെക്രട്ടറിയെ വധിക്കുമെന്നും ഓഫിസ് ബോംബിട്ട് തകര്‍ക്കുമെന്നുമാണ് ഭീഷണിപ്പെടുത്തിയത്. വധഭീഷണി വന്ന കാര്യം ഓഫിസ് സെക്രട്ടറി പാര്‍ട്ടി നേതൃത്വത്തെ അറിയിച്ചു. സംഭവത്തില്‍ മുഖ്യമന്ത്രി, എസ്.പി, ഡിവൈ.എസ്. പി, പയ്യന്നൂര്‍ പൊലിസ് എന്നിവര്‍ക്ക് പരാതി നല്‍കി. മുമ്പ് രണ്ടു തവണ സമാന രീതിയില്‍ ഭീഷണി ഫോണ്‍കോള്‍ വന്നിരുന്നു. പയ്യന്നൂര്‍ പൊലിസില്‍ പരാതി നല്‍കിയെങ്കിലും നടപടിയുണ്ടായില്ലെന്ന ആക്ഷേപം പയ്യന്നൂരിലെ പാര്‍ട്ടി നേതാക്കള്‍ക്കും പ്രവര്‍ത്തകര്‍ക്കുമുണ്ട്. ഇതിനിടെയാണ് വീണ്ടും ഫോണില്‍ വധഭീഷണിയെത്തിയത്.