പട്‌ന: ഇന്ത്യാ-നേപ്പാള്‍ അതിര്‍ത്തിയില്‍ സ്ഥാപിച്ച വേലി തകര്‍ന്നത് പുന:സ്ഥാപിക്കാന്‍ ഇരു രാജ്യങ്ങളുടെയും പ്രതിനിധികള്‍ നടത്തിയ ചര്‍ച്ചയില്‍ തീരുമാനമായി. നേപ്പാളില്‍ നിന്ന് ഇന്ത്യയിലേക്കും ഇവിടെ നിന്ന് നേപ്പാളിലേക്കും ജനങ്ങള്‍ യഥേഷ്ടം സഞ്ചരിക്കുന്നത് സുരക്ഷാ പ്രശ്‌നങ്ങള്‍ക്ക് ഇടയാക്കുന്നുണ്ടെന്ന അതിര്‍ത്തി രക്ഷാ സേനകളുടെ മുന്നറിയിപ്പിനെ തുടര്‍ന്നാണ് ചര്‍ച്ച നടത്തിയത്.