ഗൂഡല്ലൂര്‍: വരള്‍ച്ച രൂക്ഷമായതോടെ മുതുമല കടുവാ സങ്കേതത്തില്‍ വനം വകുപ്പിന്റെ നേതൃത്വത്തില്‍ ജല സംഭരണികള്‍ ഒരുക്കുന്നു. സങ്കേതം വരണ്ടുണങ്ങിയതിനാല്‍ വന്യമൃഗങ്ങള്‍ക്ക് കുടിവെള്ളമെത്തിക്കുന്ന ലക്ഷ്യത്തോടെയാണ് ജല സംഭരണികള്‍ നിര്‍മിക്കുന്നത്. ഇതിനകം മുതുമല സങ്കേതത്തിന്റെ പരിധിയിലുള്ള നാലു റെയ്ഞ്ചുകളിലായി അമ്പതോളം ജലസംഭരണികള്‍ നിര്‍മിച്ചിട്ടുണ്ട്. ട്രാക്ടറുകളില്‍ ടാങ്കറുകള്‍ ഘടിപ്പിച്ചാണ് സംഭരണികള്‍ നിറയ്ക്കുന്നത്.
ഏകദേശം അമ്പതിനായിരം ലിറ്ററോളം വെള്ളം ദിനംപ്രതി നിറയ്ക്കുന്നുണ്ടെന്ന് വനം വകുപ്പ് ഡെപ്യുട്ടി ഡയരക്ടര്‍ ശരവണന്‍ അറിയിച്ചു.