മാവൂര്‍: സഹനം, സമരം, സമര്‍പ്പണം എന്നപ്രമേയവുമായി എസ്.കെ.എസ്.എസ്.എഫ് സംസ്ഥാന കമ്മിറ്റി നടത്തുന്ന റമളാന്‍കാംപയിന്റെ ഭാഗമായി മാവൂരില്‍ നടക്കുന്ന റമദാന്‍ പ്രഭാഷണത്തിന്റെ സ്വാഗതസംഘം ഓഫിസ് തുറന്നു.
മാവൂര്‍ ഇസ്‌ലാമിക് സെന്ററില്‍ തുറന്ന് പ്രവര്‍ത്തനമാരംഭിച്ച ഓഫിസ് കോഴിക്കോട് ഖാസി സയ്യിദ് മുഹമ്മദ് കോയ ജമലുല്ലൈലി തങ്ങള്‍ ഉദ്ഘാടനം ചെയ്തു. വര്‍ക്കിങ് ചെയര്‍മാന്‍ ചിറ്റടി അഹമ്മദ് കുട്ടി ഹാജി അധ്യക്ഷനായി.
അബൂബക്കര്‍ ഫൈസി മലയമ്മ, കെ.എ ഖാദര്‍ മാസ്റ്റര്‍, ഒ.പി അഷ്‌റഫ്, കെ.എം.എ റഹ്മാന്‍, സുബൈര്‍ മാസ്റ്റര്‍ കുറ്റിക്കാട്ടൂര്‍, എന്‍.പി ഹംസ മാസ്റ്റര്‍, അബ്ദുല്‍ജബ്ബാര്‍ അന്‍വരി, പാട്ടാപ്പില്‍ അബ്ദുറഹ്മാന്‍ ഹാജി, എന്‍.പി അഹമ്മദ്, കെ. ആലിഹസ്സന്‍, സി.എ ഷുക്കൂര്‍ മാസ്റ്റര്‍, ജലാലുദ്ദീന്‍ ഫൈസി, അഷ്‌കര്‍ പുവ്വാട്ടുപറമ്പ്, അബ്ബാസ് റഹ്മാനി, അഹമ്മദ് കുട്ടി അരയങ്കോട്, അലവികുട്ടി മാവൂര്‍, ജഅ്ഫര്‍ മാവൂര്‍, കരീം നിസാമി, താജുദ്ദീന്‍ പാഴൂര്‍, സംസാരിച്ചു.
ജൂണ്‍ 11, 12, 13, 14, 15, 16, 18,19 തിയ്യതികളില്‍ മാവൂര്‍ ചെറുശ്ശേരി ഉസ്താദ് നഗറില്‍ നടക്കുന്ന പരിപാടിയില്‍ റഹ്മത്തുള്ള ഖാസിമി മൂത്തേടം, ഖലീല്‍ ഹുദവി കാസര്‍കോട് തുങ്ങിയവര്‍ വിവിധ വിഷയങ്ങലെ അധികരിച്ച് സംസാരിക്കും. കാലത്ത് എട്ട് മണിമുതലാണ് പ്രസംഗം ആരംഭിക്കുക.