തിരുവനന്തപുരം: സംസ്ഥാന സര്‍ക്കാരിന്റെ പ്രവര്‍ത്തനത്തില്‍ പാര്‍ട്ടി ഇടപെടരുതെന്നു സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മുന്നറിയിപ്പ്. പ്രതിനിധി സമ്മേളനത്തിലാണ് കോടിയേരിയുടെ മുന്നറിയിപ്പ്. സ്ഥലംമാറ്റം,ഡെപ്യൂട്ടേഷന്‍ എന്നിവയില്‍ പാര്‍ട്ടി ഇടപെടല്‍ കാണുന്നുണ്ട്. ഇത് അംഗീകരിക്കാനാവില്ല. സര്‍ക്കാരില്‍ അനാവശ്യ ഇടപെടലുകള്‍ നടത്താന്‍ നേതാക്കള്‍ ശ്രമിക്കരുത്. പൊലിസിനെ നിര്‍വീര്യമാക്കുന്ന സമീപനം നേതാക്കളുടെ ഭാഗത്തുനിന്ന് ഉണ്ടാകരുതെന്നും അദ്ദേഹം ഓര്‍മിപ്പിച്ചു.