കൊല്ലം: കരുനാഗപ്പള്ളിയില്‍ സര്‍വ്വീസ് നടത്തുകയായിരുന്ന കെ.എസ്.ആര്‍.ടി ബസിലേക്കു സാമൂഹ്യവിരുദ്ധര്‍ ചാണകമെറിഞ്ഞതിനെ തുടര്‍ന്നു ബസിന്റെ ട്രിപ്പുമുടങ്ങി. കരുനാഗപ്പള്ളി ബസ് സ്‌റ്റേഷനില്‍ നിന്നും പുത്തൂര്‍ വഴി കൊട്ടാരക്കരക്കുപോയ ബസിലാണ് ഇന്നുരാവിലെ ചാണകമേറ് നടന്നത്. മിനിസിവില്‍സ്‌റ്റേഷനു മുന്നില്‍ നിന്നും സിഗ്‌നല്‍കടന്നു മുന്നോട്ടുപോകുന്നതിനിടയിലായിരുന്നു സംഭവം. ബസിലെ യാത്രക്കാരില്‍ പലരുടെയും ദേഹത്തു ചാണകം പതിച്ചു. തുടര്‍ന്നു തിരികെ ബസ്, സ്‌റ്റേഷനിലെത്തിച്ചു കഴുകി വൃത്തിയാക്കി.