കെയ്‌റോ: ഈജിപ്തില്‍ നടന്ന ഭീകരവേട്ടയില്‍ 16 പേരെ വധിച്ചതായി ഈജിപ്ത് സൈന്യം അവകാശപ്പെട്ടു. നാലു ഭീകരരെ അറസ്റ്റ് ചെയ്യുകയും ചെയ്തിട്ടുണ്ട്. രാജ്യത്തെ പടിഞ്ഞാറന്‍ മരുഭൂമിയിലും നൈല്‍ തീരത്തുമായാണു വന്‍ ഭീകരവേട്ട നടന്നത്. ഭീകരര്‍ ഉപയോഗിച്ചിരുന്ന 66 താവളങ്ങളും സൈനിക കേന്ദ്രങ്ങളും തകര്‍ക്കുകയും ആയുധങ്ങള്‍ നശിപ്പിക്കുകയും ചെയ്തതായി അധികൃതര്‍ വാര്‍ത്താകുറിപ്പില്‍ അറിയിച്ചു. കഴിഞ്ഞ നവംബറില്‍ സീനായിലെ പള്ളിയില്‍ ജുമുഅ നിസ്‌കാരത്തിനിടെണ്ടായ ഭീകരാക്രമണത്തെ തുടര്‍ന്ന് ഭീകരവേട്ട ശക്തമാക്കാന്‍ പ്രസിഡന്റ് അബ്ദുല്‍ ഫത്താഹ് സീസി നിര്‍ദേശിച്ചിരുന്നു. സംഭവത്തില്‍ 300ഓളം പേരാണു കൊല്ലപ്പെട്ടിരുന്നത്.