മുര്‍ഷിദാബാദ്: ബി.ജെ.പി ഉയര്‍ത്തിക്കൊണ്ടുവരുന്ന വര്‍ഗീയ ഫാസിസ്റ്റ് വിപത്തിനെതിരായി ജനാധിപത്യ മതേതര ശക്തികളുടെ ഐക്യം അനിവാര്യമാണെന്ന് മുസ്‌ലിംലീഗ് ദേശീയ പ്രസിഡന്റ് പ്രൊഫ.കെ.എം ഖാദര്‍ മൊയ്തീന്‍. എസ്.ടി.യു ദേശീയ പ്രവര്‍ത്തക സമിതിയുടേയും പശ്ചിമ ബംഗാള്‍ സംസ്ഥാന കണ്‍വന്‍ഷന്റെയും ഭാഗമായി നടന്ന റാലി ഉദ്ഘാടനം ചെയ്യുകയായിരുന്നു അദ്ദേഹം.
കോണ്‍ഗ്രസ് നേതൃത്വത്തില്‍ മതേതര ജനാധിപത്യ ശക്തികളുടെ ബദല്‍ അധികരത്തില്‍ വരണമെന്ന വികാരം രാജ്യത്ത് ശക്തമാണെന്നും അദ്ദേഹം പറഞ്ഞു.
റാലിയില്‍ സഫറുല്ല മുല്ല അധ്യക്ഷനായി. എസ്.ടി.യു ദേശീയ പ്രസിഡന്റ് സയ്യിദ് അംജദ് അലി മുഖ്യാതിഥിയായി.
ദേശീയ ജനറല്‍ സെക്രട്ടറി അഡ്വ: എം റഹ്മത്തുല്ല മുഖ്യപ്രഭാഷണം നടത്തി. മുസ്‌ലിം ലീഗ് ദേശീയ വൈസ് പ്രസിഡന്റ് ഖുറം അനീസ് ഉമര്‍,
എസ്.ടി.യു കേരള ഘടകം പ്രസിഡന്റ് അഹമ്മദ് കുട്ടി ഉണ്ണികുളം, എം.എസ്.എഫ് ദേശീയ ജനറല്‍ സെക്രട്ടറി മുഹമ്മദ് അര്‍ഷാദ്, എസ്.ടി.യു ഭാരവാഹികളായ എന്‍.ബി വാഹിദ് (തമിഴ്‌നാട്), മുഹമ്മദ് ഹാറൂണ്‍, ( മഹാരാഷ്ട്ര), എ.സൈതാലി (തമിഴ്‌നാട്),
ഇമ്രാന്‍ ആലം ( ജാര്‍ഖണ്ഡ് ), അബുല്‍ ഹുസെന്‍ മുല്ല (ബംഗാള്‍), ഇദ്‌രീസ് അലി ( ബംഗാള്‍) സംസാരിച്ചു.
ജാഫറുല്ല മുല്ലയെ (ബംഗാള്‍) ദേശീയ ട്രഷറര്‍ ആയും മുഹമ്മദ്ഹാറൂനിനെ (മഹാരാഷ്ട്ര) സെക്രട്ടറ ിയായും തെരഞ്ഞെടുത്തു.