കോഴിക്കോട്: പത്താം ക്ലാസ് വിദ്യാര്‍ഥികള്‍ക്കായി ജില്ലാ പഞ്ചായത്ത് സബ്ജക്ട് ക്ലിനിക്ക് സംഘടിപ്പിക്കുന്നു. വിജയോത്സവം പദ്ധതിയുടെ ഭാഗമായിട്ടാണ് പരിപാടി. കണക്ക്, രസതന്ത്രം വിഷയങ്ങളിലുളള ക്ലിനിക്കുകള്‍ 28, മാര്‍ച്ച് രണ്ട്, മൂന്ന് തിയ്യതികളിലായി യഥാക്രമം അത്തോളി, പയ്യോളി, താമരശ്ശേരി ഹയര്‍ സെക്കന്‍ഡറി സ്‌കൂളുകളില്‍ നടത്താന്‍ ജില്ലാ പഞ്ചായത്ത് അക്കാദമിക സമിതി യോഗം തീരുമാനിച്ചു.
ഇപ്പോള്‍ നടന്നുവരുന്ന മോഡല്‍ പരീക്ഷയുടെ ഫലം എല്ലാ വിദ്യാലയങ്ങളിലും ഈ മാസം 27ന് രണ്ടിന് പ്രസിദ്ധീകരിക്കണം. ഡി പ്ലസിനു താഴെ സ്‌കോര്‍ നേടിയവര്‍ക്കുളള പഠനോത്സവം ക്യാംപുകളും സ്‌കൂള്‍തലത്തില്‍ സംഘടിപ്പിക്കാനും് യോഗം നിര്‍ദേശിച്ചു.
ജില്ലാ പഞ്ചായത്ത് പ്രസിഡന്റ് ബാബു പറശ്ശേരി അധ്യക്ഷനായി. വൈസ് പ്രസിഡന്റ് റീന മുണ്ടേങ്ങാട്ട്, സ്റ്റാന്റിങ് കമ്മിറ്റി ചെയര്‍മാന്‍ മുക്കം മുഹമ്മദ്, സെക്രട്ടറി പി.ഡി ഫിലിപ്പ്, ഡയറ്റ് പ്രിന്‍സിപ്പല്‍ കെ. പ്രഭാകരന്‍, കോ-ഓര്‍ഡിനേറ്റര്‍ കെ.കെ ശിവദാസന്‍, കെ.വി വിനോദ് ബാബു, ജില്ലാ പഞ്ചായത്തംഗങ്ങളായ ശ്രീജ പുല്ലരിക്കല്‍, വി. ഷക്കീല ടീച്ചര്‍ പങ്കെടുത്തു.