കോഴിക്കോട്: കെന്നല്‍ ക്ലബിന്റെ മൂന്നാമത് അഖിലേന്ത്യാ ശ്വാനപ്രദര്‍ശനം 26ന് ബീച്ച് റോഡിലുള്ള മറൈന്‍ ഗ്രൗണ്ടില്‍ നടക്കും. മത്സരത്തോടൊപ്പം ജര്‍മന്‍ ഷെപ്പേര്‍ഡ് ഡോഗ് കോണ്‍ഫഡറേഷന്‍ കോഴിക്കോട് ചാപ്റ്ററിന്റെ അഞ്ചാമത് ശ്വാനപ്രദര്‍ശനവും നോട്ട്‌വൈലര്‍ ക്ലബ് ഓഫ് ഇന്ത്യ കേരളാ ചാപ്റ്ററിന്റെ നാലാമത് പ്രത്യേക ശ്വാനപ്രദര്‍ശനവും, ലാബ്രഡോര്‍ റിട്രീവര്‍ ക്ലബ് ഓഫ് ഇന്ത്യയുടെ ആറാമത് നാഷണല്‍ പ്രത്യേക ശ്വാനപ്രദര്‍ശനവും നടക്കും. ഡല്‍ഹി, ബംഗളുരു, ചെന്നൈ, പൂന, ഹൈദരാബാദ്, ബല്‍ഗാം, പഞ്ചാബ്, കാണ്‍പൂര്‍, ഗുഹാത്തി, കോയമ്പത്തൂര്‍, ഊട്ടി, കേരളത്തിലെ വിവിധയിടങ്ങളിലുള്‍പ്പെടെ ഇന്ത്യയുടെ വിവിധ ഭാഗങ്ങളിലുള്ള മുന്നൂറിലധികം ശ്വാനന്മാര്‍ പ്രദര്‍ശനത്തില്‍ പങ്കെടുക്കും.