റിയാദ്: യമനില്‍ അമേരിക്കന്‍ സേനയുടെ ഡ്രോണ്‍ ആക്രമണത്തില്‍ ആറ് അല്‍ഖാഇദ തീവ്രവാദികള്‍ കൊല്ലപ്പെട്ടു. മധ്യ യമനില്‍ കഴിഞ്ഞ ദിവസം നടന്ന ആക്രമണത്തിലാണിത്. ഇവിടെ ഖൈഫ മേഖലയില്‍ തീവ്രവാദികള്‍ സഞ്ചരിച്ചിരുന്ന വാഹനത്തിനുനേരെയാണ് യു.എസ് ഡ്രോണ്‍ ആക്രമണം നടന്നതെന്ന് സൈനിക വക്താവ് എ.എഫ്.പിയോട് പറഞ്ഞു.അറേബ്യന്‍ ഭൂഖണ്ഡത്തിലെ ഏറ്റവും വലിയ ഭീകരന്മാരായാണ് യമനിലെ അല്‍ഖാഇദ തീവ്രവാദികളെ യു.എസ് സൈന്യം കണക്കാക്കുന്നത്. ട്രംപ് അധികാരത്തില്‍ വന്നതിനുശേഷമാണ് യമനില്‍ അല്‍ഖാഇദക്കെതിരേ ഡ്രോണ്‍ ആക്രമണം ശക്തമാക്കിയത്.