HOME
DETAILS

കാനം കാനന ജീവിതം വെടിയണമെന്ന് കേരള കോണ്‍ഗ്രസ്‌

  
backup
February 24 2018 | 08:02 AM

kerala-congress-m-against-kanam-rajendran-cpi

കോട്ടയം: സിപിഐ സംസ്ഥാന സെക്രട്ടറി കാനം രാജേന്ദ്രനെതിരേ രൂക്ഷ വിമര്‍ശനവുമായി കേരള കോണ്‍ഗ്രസ് എം.

പാര്‍ട്ടിയുടെ മുഖപത്രമായ പ്രതിച്ഛായയില്‍ ആണ് എന്‍ ജയരാജ് എംഎല്‍എ കാനത്തിനെതിരേ വിമര്‍ശനമുന്നയിച്ചിരിക്കുന്നത്.

തൂത്തുക്കുണുക്കി പക്ഷിയെപ്പോലെ കാനം ഗര്‍വ് കാണിക്കരുതെന്നു ലേഖനത്തില്‍ പറയുന്നു. കാനന ജീവിതം കൈവെടിഞ്ഞ് കാനം പുറത്തുവരണം.

ഒരിക്കല്‍ പോലും തെരഞ്ഞെടുപ്പില്‍ ഒറ്റയ്ക്കുനിന്നു ശക്തിതെളിയിക്കാന്‍ കഴിയാത്ത പാര്‍ട്ടിയാണു സിപിഐ എന്നു ലേഖനം പരിഹസിക്കുന്നു. 19സീറ്റു ലഭിച്ചത് സിപിഎമ്മിന്റെ ഔദാര്യം കൊണ്ടാണെന്നും ലേഖനത്തില്‍ പറയുന്നു.

എല്‍.ഡി.എഫ് അധികാരത്തിലെത്തിയത് അഴിമതി വിരുദ്ധ രാഷ്ട്രീയത്തിലൂടെയാണെന്ന് കെ.എം മാണിയെ സിപിഎം സംസ്ഥാന സമ്മേളനവേദിയിലിരുത്തി കാനം രാജേന്ദ്രന്‍ കഴിഞ്ഞ ദിവസം പറഞ്ഞിരുന്നു.

എല്‍.ഡി.എഫിന്റെ ഭദ്രതയ്ക്ക് യാതൊരു കോട്ടവുമില്ലെന്ന് പറഞ്ഞ കാനം വോട്ട് ബാങ്ക് രാഷ്ട്രീയത്തിന്റെ പിറകേ പോയി കുറുക്കുവഴികളിലൂടെ മുന്നണിയെ ബലപ്പെടുത്താനാകില്ലെന്നും വ്യക്തമാക്കിയിരുന്നു.

എല്‍.ഡി.എഫിന് ഇപ്പോള്‍ ഒരു ദൗര്‍ബല്യവുമില്ല, ദയവുചെയ്ത് ആരും സെല്‍ഫ് ഗോളടിക്കരുതെന്ന അഭ്യര്‍ഥന മാത്രമേയുള്ളൂവെന്ന് പറഞ്ഞാണ് കേരള കോണ്‍ഗ്രസിന്റെ മുന്നണി പ്രവേശനത്തെ കാനം നേരിട്ടത്.


 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."