ശ്രീനഗര്‍: ഉറി സെക്ടറില്‍ ഇന്ത്യ-പാക് സംഘര്‍ഷം രൂക്ഷം. പ്രകോപനമില്ലാതെ പാക് സൈന്യം നടത്തുന്ന ഷെല്ലാക്രമണത്തിനെതിരേ ഇന്ത്യ ശക്തമായി തിരിച്ചടി തുടങ്ങിയതോടെ മേഖലയില്‍ സംഘര്‍ഷാവസ്ഥ രൂക്ഷമായി തുടരുകയാണ്. ഇന്നലെ രാവിലെ 11.50ഓടെയാണ് ആക്രമണം തുടങ്ങിയതെന്ന് പ്രതിരോധ മന്ത്രാലയ വക്താവ് കേണല്‍ രാജേഷ് കാലിയ അറിയിച്ചു.
പാക് ആക്രമണത്തെ സൈന്യം ശക്തമായ രീതിയില്‍ പ്രതിരോധിക്കുകയും തിരിച്ചടിക്കുകയും ചെയ്യുന്നുണ്ടെന്ന് അദ്ദേഹം പറഞ്ഞു. കഴിഞ്ഞ നാല് ദിവസമായി വെടിനിര്‍ത്തല്‍ കരാര്‍ ലംഘിച്ച് ബാരാമുള്ള ജില്ലയിലെ ഉറി സെക്ടറില്‍ പാക് സൈന്യം ആക്രമണം നടത്തുകയാണ്. ആക്രമണത്തിന്റെ പശ്ചാത്തലത്തില്‍ ഗ്രാമീണരെയെല്ലാം മേഖലയില്‍ നിന്ന് മാറ്റി താമസിപ്പിച്ചിരിക്കുകയാണ്.