നെടുമ്പാശ്ശേരി: രണ്ട് യാത്രക്കാരില്‍ നിന്നായി അനധികൃതമായി കടത്താന്‍ ശ്രമിച്ച 18 ലക്ഷം രൂപ വില വരുന്ന സ്വര്‍ണം കസ്റ്റംസ് വിഭാഗം പിടികൂടി. ഗള്‍ഫ് എയര്‍ വിമാനത്തില്‍ ബഹ്‌റൈനില്‍ നിന്ന് എത്തിയ കോഴിക്കോട് സ്വദേശിയും, ഇന്‍ഡിഗോ വിമാനത്തില്‍ മസ്‌കത്തില്‍ നിന്നും വന്ന മലപ്പുറം സ്വദേശിയുമാണ് കസ്റ്റംസ് എയര്‍ ഇന്റലിജന്‍സ് വിഭാഗത്തിന്റെ പിടിയിലായത്.
കോഴിക്കോട് സ്വദേശിയുടെ ബാഗേജിലുണ്ടായിരുന്ന ടാബിലാണ് സ്വര്‍ണം ഒളിപ്പിച്ചിരുന്നത്. മൊത്തം 300 ഗ്രാം സ്വര്‍ണമാണ് ഇയാളുടെ പക്കല്‍ ഉണ്ടായിരുന്നത്.
മലപ്പുറം സ്വദേശി മലദ്വാരത്തിലാണ് സ്വര്‍ണം ഒളിപ്പിച്ചു കടത്താന്‍ ശ്രമിച്ചത്. ഇയാളുടെ പക്കല്‍ നിന്ന് 294 ഗ്രാം സ്വര്‍ണമാണ് പിടികൂടിയത്.