കോഴിക്കോട്: ദാരിമീസ് സെന്‍ട്രല്‍ കൗണ്‍സില്‍ സംഗമവും അംഗത്വ വിതരണവും 13 ന് രാവിലെ നന്തി ജാമിഅ ദാറുസ്സലാമില്‍ നടക്കും. പ്രിന്‍സിപ്പല്‍ മൂസക്കുട്ടി ഹസ്രത്ത് 'വാസ്തു, കന്നിമൂല, തച്ചുശാസ്ത്രം: വിശ്വാസവും അന്ധവിശ്വാസവും' എന്ന വിഷയത്തില്‍ ജ്ഞാന പ്രഭാഷണം നിര്‍വഹിക്കും.ദാറുസ്സലാം ജനറല്‍ സെക്രട്ടറി എ.വി.അബ്ദുറഹ്മാന്‍ മുസ്‌ലിയാര്‍ സംഗമം ഉദ്ഘാടനം ചെയ്യും. ജാമിഅ വൈസ് പ്രിന്‍സിപ്പല്‍ ഇ.കെ.അബൂബക്കര്‍ മുസ്‌ലിയാര്‍ മൊറയൂര്‍, കെ.ടി.അബ്ദുല്‍ ജലീല്‍ ഫൈസി വെളിമുക്ക്, കെ.അബ്ദുല്‍ ഗഫൂര്‍ ഹൈതമി നരിപ്പറ്റ, സി.കെ.മൊയ്തീന്‍ കുട്ടി ഫൈസി പന്തല്ലൂര്‍, എം.പി.തഖിയ്യുദ്ദീന്‍ ഹൈതമി നന്തി, അബ്ദുല്‍ ഗഫൂര്‍ ദാരിമി മുണ്ടക്കുളം, മുഹമ്മദ് കുട്ടി ദാരിമി കോടങ്ങാട് തുടങ്ങിയവര്‍ പങ്കെടുക്കും.