ചക്കരക്കല്‍: തന്നട സെന്‍ട്രല്‍ യു.പി സ്‌കൂള്‍ വാര്‍ഷികാഘോഷം സമാപന സമ്മേളനം ചെമ്പിലോട് പഞ്ചായത്ത് പ്രസിഡന്റ് ടി.വി ലക്ഷ്മി ഉദ്ഘാടനം ചെയ്തു. എസ്.ആര്‍.ജി കണ്‍വീനര്‍ ഇ. ബാലസുബ്രഹ്മണ്യന്‍ റിപ്പോര്‍ട്ട് അവതരിപ്പിച്ചു. ജോ.ആര്‍.ടി.ഒ അബ്ദുള്‍ ശുക്കൂര്‍ കൂടക്കല്‍ എന്‍ഡോവ്‌മെന്റുകള്‍ വിതരണം ചെയ്തു. സ്‌കൂള്‍ മാനേജര്‍ കെ. അബ്ദുള്‍ ഖാദര്‍ ഹാജി സമ്മാനദാനം നടത്തി. പ്രഥമാധ്യാപകന്‍ വി. പ്രദീപന്‍, സിറാജുല്‍ ഉലൂം മദ്‌റസ ഖത്തീബ് അബ്ദുള്‍ ഖാദര്‍ സഅദി, പി.ടി.എ പ്രസിഡന്റ് എ.ടി അശ്രഫ്, മാനേജ്‌മെന്റ് കമ്മിറ്റി സെക്രട്ടറി കെ. അബ്ദുള്‍ മജീദ്, എം. മുഹമ്മദലി, എം. സുബൈര്‍ സംസാരിച്ചു. കുട്ടികളുടെ കലാമത്സരങ്ങളും നടന്നു.