നെടുമ്പാശ്ശേരി: അന്താരാഷ്ട്ര വിമാനത്താവളത്തില്‍നിന്ന് മുംബൈയിലേക്ക് പുറപ്പെടാന്‍ ഒരുങ്ങിയ ഇന്‍ഡിഗോ വിമാനം യന്ത്രത്തകരാറിനാല്‍ റദ്ദാക്കി. ഇന്നലെ വൈകിട്ട് 4.30ന് മുംബൈയിലേക്കുള്ള യാത്രക്കാരുമായി റണ്‍വേയിലൂടെ പോകുന്നതിനിടയിലാണ് തകരാര്‍ ശ്രദ്ധയില്‍പ്പെട്ടത്. 144 യാത്രക്കാരാണ് വിമാനത്തില്‍ ഉണ്ടായിരുന്നത്. തുടര്‍ന്ന് പാര്‍ക്കിങ് ബേയിലേക്ക് വിമാനം മാറ്റിയശേഷം യാത്രക്കാരെ തിരിച്ചിറക്കി. മുംബൈയിലേക്കുള്ള മറ്റ് വിമാന സര്‍വിസുകളില്‍ യാത്രക്കാരെ കയറ്റിവിടാമെന്ന് ഇന്‍ഡിഗോ അധികൃതര്‍ അറിയിച്ചിരുന്നെങ്കിലും സീറ്റുകള്‍ ലഭ്യമല്ലാതിരുന്നതിനാല്‍ സാധിച്ചില്ല. പിന്നീട് രാത്രി 8.30 ഓടെ പുറപ്പെട്ട വിമാനത്തിലാണ് യാത്രക്കാരെ കയറ്റി അയച്ചത്.